Guidance on Managing Vitamin Deficiencies and Treatment Options - #51101

mujhe ek ayurveda ke doctor ne kaha hai ki woh meri vitamins b12 aur d ki heavy deficiency jo ki 105 aur 4.5 hai, ko bina kisi suppliments ke khatam karwa dengey aur mujhe sirf abhyangam, oil anema, shirodhara ka 15 days ka therapy treatment hi lena hai unse taki mera pitta vata balance kiya ja sake aur baki ka kaam sirf prescribed diet hi karegi. kya yeh sambhav ho sakta hai aur kya mujhe bina koi second opinion liye bina hi un par bharosa karna chahiye ya nahin? Mujhe vitamins deficiency diet elimination ke karan huyi hai. Madam aap mujhe guide karein kyunki main bahut hi zyada disturbed hoon aur stress, anxiety bhi hai mujhe. Kya mere liye integrated treatment suitable aur practically essential hoga kyunki mere vitamins level bahut kam hain aur saath hi mere dono knees se feets tak ki nerves Jakadi huyi hain aur blood circulation unmein nahin hain. Lekin main bina support ke daily walk karta hoon. Nerves jakdan ka yeh issue 2023 may se start huya tha. Main pitta vata zyada hone ki wajah se medicines ka use nahin kar pata hoon. B12 ka injection lene par mujhe bahut heat feel huyi thi. Aap mujhe guide karein ki kya main therapies aur Diet par depend rahoon? Meri daily routine aur digestion dono hi upset hain. Is wajah se main yeh sochta hoon ki kahi mere treatment mein koi problem na aa jaye. Kya mujhe IPD treatment jaise patanjali, hiims ya Apolo Ayurveda mein try karna chahiye taki meri daily routine ki cycle correct ho sake. Kya aap bhi apni city mein IPD treatment karti hain? Apna answer dijiyega. Dhanyawad.