PCOS Peshab me jalan aur white discharge ke liye (UTI relief) - #26553 - #26840 - #27923 - #35311
Dr Isha Bhardwaj, > Namaste Doctor 🙏 Maine aapke dwara bataya gaya 45 days ka course poora kar liya hai. Course ke dauraan koi side effect nahi hua, sab theek raha. Pehle mere periods ka colour red aata tha, lekin jab se polycystic ovaries aur ye symptoms shuru hue tab se colour dark — maroon ya brownish red jaisa ho gaya tha. Is baar lagbhag 1–2 saal baad pehle din ka blood colour bilkul red aur clear tha, jo mujhe bahut positive change laga. Periods 3 din tak aaye aur uske baad 3 din tak thoda spotting hua. Flow zyada nahi tha. White discharge pehle se kam hua hai, lekin kabhi-kabhi paani jaisa ya transparent white aata hai aur geela mehsoos hota hai. Lower abdomen (nabhi ke left side) me jo pain hota tha, usme dawai se kaafi aaram mila hai. Back pain kabhi-kabhi hota hai aur thodi weakness aur aalas rehta hai. Ek-do pimples bhi aaye the. UTI problem me bhi ab pehle se kaafi aaram hai. Shatavari powder maine course ke shuru ke 10 din liya tha, lekin uska taste kaafi ajeeb lagne ki wajah se uske baad nahi le paayi. Agar aap kahenge to main ise fir se continue kar lungi. Maine lagbhag 1 mahine tak bilkul bhi chini, mithai, ya junk food nahi liya. Uske baad thodi bahut kabhi-kabhi kha leti thi. Is dauran maine baingan, aloo, aur gobhi bhi nahi khaye. Khane me besan ka chilla, oats, fruits (amrud, sev), dal-roti aur light ghar ka khana hi liya. Kripya batayein Doctor, ab mujhe next kya course ya treatment follow karna chahiye, aur khane-peene me koi aur changes ya parhez rakhna chahiye kya? Kripya batayein Doctor, ab mujhe next kya course ya treatment follow karna chahiye taaki main puri tarah se theek ho jaaun aur ye problem (polycystic ovaries) dobara na ho. Mera goal hai ki main puri tarah se theek ho jaaun, aur bilkul healthy, active aur furtila mehsoos karoon 💪🙂
100% Anonymous
completely confidential.
No sign-up needed.


100% Anonymous
600+ certified Ayurvedic experts. No sign-up.
About our doctors
Only qualified ayurvedic doctors who have confirmed the availability of medical education and other certificates of medical practice consult on our service. You can check the qualification confirmation in the doctor's profile.